အီးအမ် ၁၀၀စီစီ နှင့် ရေ(၂၅)ဂါလံနှုန်းရောစပ်၍ တိရစ္ဆာန်သောက်ရေအဖြစ်အသုံးပြုခြင်းဖြင့် အစာလမ်းကြောင်းရှိအဏုဇီဝများ၏ စွမ်းဆောင်ရည်ပိုမိုကောင်းမွန်လာခြင်း ၊ တိရစ္ဆာန်မစင်မှအနံ့ဆိုးများ လျော့နည်းလာခြင်း ၊ ကြီးထွားနှုန်းပိုမိုကောင်းမွန်လာခြင်းစသောအကျိုးကျေးဇူးများရရှိပါမည်။ ကြက်ခြံများ ၊ ဝက်ခြံများ နွားခြံများတွင် အသုံးပြုနိုင်ပါသည်။ အီးအမ် ၂၀စီစီ နှင့်ရေ(၄)ဂါလံ ရောစပ်ပြီး မွေးမြူရေးခြံနံရံများ ၊ ကြမ်းပြင်များ နှင့် ခြံပတ်ဝန်းကျင်နေရာများသို့ (၇)ရက်ခြားတစ်ကြိမ်ပက်ဖျန်းပေးခြင်းဖြင့် အနံ့ဆိုးများပျောက်ကင်းပြီး တိရစ္ဆာန်များ၏ ကျန်းမာရေးပိုမိုကောင်းမွန်စေပါသည်။အီးအမ်ကိုမိလ္လာကန်များတွင် ကန်ထုထည် (၁%)ထည့်သွင်းပေးခြင်းအားဖြင့်မိလ္လာထုထည်လျော့ကျသွားခြင်း ၊ရောဂါပိုးများကိုသေစေခြင်း စသည့် အကျိုးကျေးဇူးများ ရရှိစေပါသည်။အီးအမ်ကို ပုံမှန်အသုံးပြုပေးပါက ပဋိဇီဝဆေးများသုံးစွဲရန် မလိုတော့ပါ။ ရေကန်များရေထုညစ်ညမ်းလာပါကကန်ရေထုထည်၏ (၀.၀၅%)အားနှစ်ပတ်တစ်ကြိမ်ထည့်သွင်းပေးနိုင်ပါသည်။ အီးအမ်ကိုရေဖြင့်(၁း၁၀၀၀)နှုန်းရော၍အမှိုက်ပုံများကို အစိုဓါတ်(၃၀%)ရောက်အောင်ပက်ဖျန်းပေးခြင်း ၊ အနံ့ဆိုးများသက်သာခြင်း နှင့် ယင်ကောင်များလျော့နည်းစေပါသည်။အီးအမ်ကို လယ်ကွင်းထဲသို့ သွင်းရေနှင့်အတူ ထည့်ပေးခြင်းဖြင့် မီသိန်းဓါတ်ငွေ့များထုတ်လုပ်မှုကို လျော့ကျစေပြီးကမ္ဘာကြီးပူနွေးမှုကို ကာကွယ်နိုင်ပါသည်။ဓါတုပစ္စည်း လုံးဝ (လုံးဝ) မပါဝင်ခြင်းကြောင့် စိုက်ပျိုးသူ စားသုံးသူနှင့် သဘာဝပတ်ဝန်းကျင်ကိုလည်း အဆိပ်အတောက်မဖြစ်စေပါ။ ရာသီဥတုကြောင့်ဖြစ်ပေါ်လာနိုင်သော အပင်များ၏ကျန်းမာရေးပြဿနာများ တားဆီးပေးနိုင်ပြီး တစ်ရာသီလုံး ကျန်းမာသန်စွမ်းသော အပင်များရှိစေပါသည်။